ब-याच वेळा...

शनि, २१/०५/२००५ - १३:३०
विडंबन (बऱ्याच वेळा ...)

दाबून भुंकण्याला, वळतो ब-याच वेळा
घालून शेपटी मी, पळतो ब-याच वेळा

अंदाज याचसाठी, बांधू नये फुकाचा
हा नेम माणसाचा, चुकतो ब-याच वेळा

दिसता दिवे कुठेही, रस्त्यावरी कडेला
साधून एक संधी, *ततो ब-याच वेळा

लावू नकोस आता, ही साखळी गळ्याला
दारामध्ये उगा मी, *गतो ब-याच वेळा

सोयीनुसार 'बांधा', सोयीनुसार 'सोडा'
शब्दातला न अर्थ, कळतो ब-याच वेळा

हे तोंड मी उघडता, धाबे दणाणते ना?
मी जांभईत मग्न, असतो ब-याच वेळा

चपला बऱ्याच मिळती, पण एक एक जोड
मागे पुढे विजोड, खुपतो ब-याच वेळा

पुतळ्यासमोर कोण्या, नमतो कधी जरासा
का गवतफूलगुच्छ, फुलतो ब-याच वेळा

-रुक्ष (ॐ)