बुध, ०९/०३/२००५ - १०:४४
मना सांग सामर्थ्य कोठे पळाले
असे पाय दैवापुढे हे गळाले
मना होय हा खेळ तूझ्या मतीचा
नसे दोष काहीच दैवी गतीचा
मना सांग शत्रू असे कोण मोठा
असे जाणि जो दोष छोट्यात छोटा
जगी त्यास धुंडाळणे व्यर्थ आहे
मना जो तुला आरशातूनि पाहे
मना तू उभा संकटांच्या समोरी
पुढे ठाकिले सर्वही शस्त्रधारी
तरी रे धरी धीर र्हा तू विचारी
विकारी तुझा त्यांस आधार भारी
मना सांग भीती तुला रे कुणाची
असे काय जे लाडके हारण्याची
नसे येथ काही तुझे रे स्वतःचे
उरी व्यर्थ का दुःख वाही मणाचे
मना बांधिसी बंधने रेशमाची
मना ओढ रे केवढी बंधनाची
परंतू जसे गुंतती हेच धागे
तुला रेशमाचा कसा जाच लागे
मना दाटतो भाव संवेदनांचा
मना वाटतो त्रास स्वस्पंदनांचा
मना का अश्या या खुळ्या कल्पना रे
मना फक्त नेत्रांस उघडी पहा रे
मना झोपण्याची नको तीच सोंगे
पहा दिव्यता ही प्रकाशी तरंगे
वसे तेज हे फक्त तूझ्याच आंगे
सुखे खेळ हा खेळ आनंदरंगे
- ओंकार
Showing posts with label अध्यात्मिक. Show all posts
Showing posts with label अध्यात्मिक. Show all posts
Sunday, August 13, 2006
Subscribe to:
Posts (Atom)