मालिनी

रवि, २०/०३/२००५ - १७:३५

सतत छळत होते, वेड हे मालिनीचे
चतुर चपल का हे, चालणे मालिनीचे

भ्रमण कितिक केले, भेटण्या मालिनीला
व्यथित विरह होता, आठवी मालिनीला

विचलित अति होतो, पाहता मालिनीसी
कणभरहि न ठावे, काय हे मालिनीसी

अचल नजर माझी, न्याहळे मालिनीला
अचपल जरि ती ही, आवडे मालिनीला

थबकत बघ आली, आज का मालिनी ही
मनन मम असे हे, ऐकिते मालिनीही

प्रथम परिस झाला, स्पर्श हा मालिनीचा
सुगम सुरस झाला, संग हा मालिनीचा

(मालिनीप्रेमी) ॐ