मी बोलणार नाही

शुक्र, ०८/०७/२००५ - ११:५२

रुसवा उगाच लटका "मी बोलणार नाही"
प्रेमात ऐकतो का? "मी बोलणार नाही"

ही रात धुंदलेली, हा श्वास तापलेला
फिरवून तोंड सांगे, "मी बोलणार नाही"

तालात आज लाटा, साथीस येइ वारा
रागात सूर लागे, "मी बोलणार नाही"

खुडली कितीक पुष्पे, देवीस वाहिली त्या
ना.. "क्यूट, गोड"... काही, "मी बोलणार नाही"

अपराध काय झाला? का तारखा विसरल्या?
काही विचारले की, "मी बोलणार नाही"

डोळ्यात पाहता मी, संवाद रंगले की
ओठास ओठ भिडले, 'मग बोललोच नाही'

ॐ